Израильдің шабуылдарынан Газада 85 адам қаза тапты

Израиль Газа секторына шабуылдауды күшейте түсті. Өткен түні әуе соққыларынан 85 палестиналық мерт болған. «Хамас» үкіметі денсаулық сақтау министрлігінің дерегінше, бұған дейінгі екі күнде 430 адам қаза тапты. Құрбандардың арасында әйелдер, қарттар, балалар көп.

Айта кетсек, Израиль армиясы Газада әуе және жаяу әскер операциясын осы аптада қайта бастады. Шайқастың тағы жандануына «Хамас» пен Израильдің наурыздың 1-де мерзімі аяқталған атысты тоқтату туралы ымыраның екінші кезеңінің шарттарына келісе алмауы себепші.

Арыстан Рысбек