«Хамас» Израильдің оңтүстігін зымыранмен атқылады

Палестиналық «Хамас» тобы Израильдің оңтүстігін зымыранмен атқылады. Снарядтар Ашкелон қаласына түскен. 1 адам жарақат алды. Израиль әскерінің мәліметінше, қарулы топ ел аумағына 10 зымыран жіберген. Премьер-министр Биньямин Нетаньяху бұл шабуылға қатаң жауап беруді тапсырған.

Қаңтарда жарияланған бітімнен кейін Израиль армиясы наурыздың 18-де Газа секторында атысты қайта бастады. Ел билігі бұған «Хамас»-тың тұтқын алмасу туралы келісімді бұзғаны себеп болды деп мәлімдеді. Осыдан кейін Израиль палестиналық анклавта әскери операция ауқымын кеңейтіп, бомбалауды үдетті.   

Арай Төлегенқызы