Зеленский ел әскерінің Ресейдің Белгород облысына кіргенін растады

Украина президенті Владимир Зеленский ел армиясының Ресейдің Белгород облысына да кіргенін растады. Бұл операцияның мақсаты – шекара маңындағы қалаларды көрші елдің шабуылынан қорғау. Бұған дейін ресейлік әскери блогерлер екі мемлекет қарулы күштерінің Белгород аймағында соғысып жатқанын бірнеше рет хабарлады. Айта кету керек, Украина жауынгерлері былтыр тамызда Ресейдің Курск облысына басып кірді. Сол сарбаздардың басым бөлігі шығарылған. Алайда Зеленский айтқандай, олардың бір бөлігі Курскте әлі де шайқасып жатыр.  

Арыстан Рысбек