Түркістан облысында ҚХА 30 жылдығына орай көкпар тартылды

Түркістан облысының Төлеби ауданында ерекше көкпар өтті. Қазақстан халқы Ассамблеясының 30 жылдығына орай қазақтың ұлттық ойыны көкпар өтті.

Елді ынтымақ-бірлікке шақырып, салауатты өмірді насихаттаған спорт додасына облыстың бірқатар аудан-қалаларынан шабандоздар қатысты. Жүлде қоры 4,5 млн теңге. Жарыстан Жамбыл, Қызылорда облысының да шабандоздары шет қалмады. Сайысты Германия, Ресей, Қытайдан келген қонақтар да тамашалады.

Виктор Деревянок, кәсіпкер:

Көкпар – қазақтың төл спорты әрі рухы мықты жігіттердің ойыны. Пырақтың үстінде өскен азамат елшіл, халықшыл келеді деп ойлаймын. Сондықтан да, алдағы уақытта ұлттық спортты қолдап, дәріптеуді жалғастырмақ ниеттемін.

Айнұр Әбілқасымқызы