Трамп әлем елдеріне жариялаған тарифтерін 90 күнге доғарды

АҚШ президенті Дональд Трамп әлемнің 75 еліне жариялаған тарифін 90 күнге доғарды. Трамптың мәлімдеуінше, бұл мемлекеттердің басшылары Вашингтонға хабарласып, кедендік салық туралы келіссөз жүргізуді ұсынған. Ал өзге елдермен келіссөздер жалғасып, олардан импортталатын өнімге тариф 10 пайыз деңгейінде үш ай сақталады. Сонымен қатар Трамп Қытай тауарларына тарифті 104 пайыздан 125 пайызға дейін көтерді.

Вашингтон мен Бейжің арасында сауда соғысы күшейіп барады. Қытай болса, сауда соғысында соңына дейін күресуге сөз беріп, барлық америкалық тауарларға тарифті 84 пайызға дейін өсірді. Бұл шешім бүгін күшіне енуі керек.

Арыстан Рысбек