Дональд Трамп: Ресей нақты әрекетке көшуі керек

АҚШ президенті Дональд Трамптың арнайы елшісі Стив Уиткофф Санк-Петербургте Ресей президенті Владимир Путинмен кездесті. Келіссөздер 4 сағаттан астам уақытқа созылған.

Кремль хабарлағандай, тараптар Украинадағы соғысты тоқтатудың аспектілеріне баса назар аударды. Путиннің арнайы өкілі Кирилл Дмитриевтің мәлімдеуінше, келіссөздер «нәтижелі» аяқталған. Айта кетсек, Уиткофф Ресей басшысымен үшінші рет жүздесіп отыр.

Осы кездесу қарсаңында Трамп мәлімдеме жасап, Украина жөніндегі келіссөздер бойынша Мәскеуді нақты әрекетке көшуге шақырды. Сонымен қатар, Америка лидері Украина бойынша бітім жасалмауына Кремльдің кінәлі екенін сезсе, Ресей мұнайын сатып алушы елдерге санкция жариялайтынын ескертіп отыр.

Арыстан Рысбек