Алматыда 181 мопед айып тұрағына қойылды

Алматыда жаңа ереже енгізілгелі 552 мопед жүргізушісі әкімшілік жауапкершілікке тартылған. Ал 181 мопед айып тұрағына қойылды. Мұндай деректі қалалық Полиция департаменті келтірді. Елімізде 5 сәуірден бастап мопедтер механикалық көлік санатына теңестірілген. Оған сәйкес, мопед жүргізушілері тіркеуден өтіп, жүргізуші куәлігін алуға міндетті. Тіркеуден өтпегендерге 10 және 20 АЕК мөлшерінде айыппұл салынады немесе 1 жыл көлемінде көлік жүргізу құқығынан айырылады. Алматы полициясы жаңа талаптың сақталуын жіті қадағалап, рейд жүргізіп жатыр. Құқық бұзушылық анықталған жағдайда мопед жүргізушілері әкімшілік жауапкершілікке тартылады.

Салтанат Әзірбек, Алматы қалалық ПД ресми өкілі:

Тіркеу әлі де жалғасуда. 5 сәуірден бастап 1271 мопед тіркелді. Ол жақсы құбылыс. Азаматтар заңға міндетті түрде бағынулары тиіс. Тек қатаң сақтаса ғана, жол жүру ахуалымыз тұрақты болады.

Жазира Оразқызы