11 облыс өртке дайын емес

Биыл жаз өткен жылдарға қарағанда ыстық болады. Демек далалы аймақтарда өрт қаупі жоғары болады деген сөз. Экология және табиғи ресурстар министрінің ақпараты осындай. Ал мемлекеттік органдардың жаз маусымына дайындығы жоспардағыдай емес. Мәселен, 8 облыста орман өртін сөндіру станциялары тапшы. Жұмыс істеп тұрғандарының өзі әбден тозған. 10-нан астам өңір өрт маусымына дайын болмай шықты. Оларға тез арада анықталған кемшілікті жойып, жеке құрамды жауынгерлік әзірлікке келтіру тапсырылды. Сондай-ақ төтенше жағдай кезінде жұмылдырылатын күштердің жұмыс істеу алгоритмінде де олқылықтар бар екені анықталды.

Олжас Бектенов, Премьер-министр:

Алайда биыл Павлодар және Абай облыстарында болған табиғи өрт бұл алгоритмнің орындалмай отырғанын көрсетті. Мысалы, Абай облысында орман шаруашылығы мемлекеттік мекемесінің қызметкерлері Төтенше жағдайлар, Ішкі істер және Қорғаныс министрліктеріне өрттің шыққаны туралы тез арада хабар бермеген. Павлодар облысында да дәл осындай жағдай болды.

Оңғар Алпысбайұлы