Сербияда студенттердің ауқымды шеруі өтті

Сербияда мыңдаған студент пен оларды қолдайтындардың шеруі өтті. Наразылық акциясына қатысушылар үкіметке, сыбайлас жемқорлыққа қарсы шыққан. Елде демонстрациялар бірнеше ай бойы тыйылмай отыр. Оған былтыр теміржол вокзалының төбесі опырылып, 16 адам қаза табуы түрткі болған. Тұрғындар қайғылы оқиғаға биліктегі коррупция мен біліксіздік себеп болды деп мәлімдеді.

Арай Төлегенқызы