АҚШ-та аутизмнің экологиялық себептері анықталмақ

АҚШ-та аутизмнің таралуына қатысты экологиялық факторларды анықтау үшін жаңа зерттеулер жүргізілмек. Елдің денсаулық сақтау министрі Роберт Кеннеди осылай деп мәлімдеді. Баспасөз мәслихатында министр зерттеу кезінде ауа, су, тамақ, ультрадыбыс, ата-аналардың жасы, семіздік пен диабет деректері есепке алынатынын айтты. Аутизмнің неден пайда болатыны белгісіз. 2000 жылдан бастап АҚШ-та мұндай диагноз көбейген. Кеннедидің айтуынша, зерттеу нәтижелері қыркүйекке таман белгілі болады.

 Роберт Кеннеди, АҚШ-тың Денсаулық сақтау министрі:

 Аутизм қоршаған ортаның әсерінен болады. Ген эпидемия тудырмайды. Экологиялық токсинді іздеп табуымыз керек. Біреулер сол уытты ауаға, суға, дәрі-дәрмекке, тамаққа қосып, пайда тауып отыр. Екі-үш аптада аутизмге әкелетін экологиялық токсиндерді анықтау бойынша зерттеулер басталады.

Арай Төлегенқызы