Түркістанда білім бөлімінің 23 қызметкері сотталды

Түркістан облысының Келес ауданында білім бөлімінің 23 қызметкері сотталды. Бөлім басшысы мен есепшілер екі жыл бойы бюджеттің қаржысын талан-таражға салған. Сөйтіп мемлекетке 812 миллион теңгеден аса залал келтірген. Яғни, білім мекемелерінде жұмыс істемеген адамдардың есебіне ақша аударып, ақша жымқырған. Аудандық сот бөлім басшысы мен жеті есепшіні 7 жылға бас бостандығынан айырды. Тағы бесеуі 280 млн теңгеге жуық материалдық залалды қайтарғаны үшін жеті жылға шартты жаза арқалады. Қалған 10 адамға 3 жылға бас бостандығын шектеу жазасы тағайындалды.

Айнұр Әбілқасым