Италияда аспалы кабина құлап, 4 адам қаза тапты

Италияның Неаполь қаласы маңында аспалы вагон жерге құлап, 4 адам қаза тапты. Біреуі ауыр жараланған. Мұны таудағы құтқару қызметі хабарлап отыр. 16 адам құтқарылған. Оқиға Неапольдан 45 шақырым жердегі Монте-Фаито шыңында болды. Жергілікті ақпарат құралдарының мәліметінше, вагон бекітілген арқанның біреуі үзіліп кеткен. Ал құтқарылғандарды жерге түсіру операциясына тұман мен ұйытқыған жел кедергі жасаған. Айта кетсек, 2021 жылы Италияда дәл осыған ұқсас апаттан 14 адам мерт болған еді.

Арыстан Рысбек