БҚО-да жол апатынан екі жасөспірім қаза тапты

Батыс Қазақстан облысында жол апатынан екі жасөспірім қаза тапты. Оқиға Бәйтерек ауданында «Переметное-Белес» тасжолында болды. Арнайы техника мен жеңіл көлік соқтығысқан. Салдарынан жеңіл көлік тізгіндеген 9-сынып және оның қасындағы 11-сынып оқушысы қаза тапты. Қылмыстық іс қозғалды. Жыл басынан бері өңірде 271 жол апаты тіркелген. 15 адам қаза тауып, 412 тұрғын түрлі жарақат алған.

Нұржан Қуанғали, облыстық Полиция департаментінің ресми өкілі:

Жеңіл көліктің, яғни «ВАЗ-2110» автокөлігінің жүргізушісі мен жолаушысы оқиға орнында қаза тапты. Қазіргі таңда осы дерек бойынша қылмыстық іс қозғалды. Оқиғаның барлық мән-жайы анықталуда. Ата-аналарға балаларын қараусыз қалдырмай, әрдайым бақылауда ұстауды сұраймыз.

Ардақ Мұратқызы