Рим папасы Франциск 88 жасында қайтыс болды

Рим папасы Франциск қайтыс болды. Бұл ақпаратты Ватикан жариялады. Понтифик 88 жасында өз резиденциясында жан тапсырған.

Ақпанда ол пневмонияға шалдығып, ауруханаға түскен еді. Содан бері ұзақ уақыт төсек тартып жатты. Кеше ғана Пасха жексенбісінде Папа Франциск дәстүрлі батасын беру үшін Ватикандағы Әулие Петр алаңына жиналған сенушілердің алдына шыққаны хабарланған еді.

Естеріңізге сала кетсек, Рим Папасы 2022 жылы қыркүйекте Қазақстанға келіп, Астанада Президент Қасым-Жомарт Тоқаевпен кездесті. Сонымен қатар үшкүндік сапарында католиктер дінбасы елімізді «сенімді серіктес» деп атап, Әлемдік және дәстүрлі діндердің 37-съезіне қатысып, мыңдаған адамның алдында діни өсиет айтқаны белгілі.

Арыстан Рысбек