Еуропа одағы Apple мен Meta компанияларына жүздеген миллион доллар айыппұл салды

Еуропа одағының заңдарын бұзғаны үшін Американың Apple компаниясына 570 миллион, Meta-ға 228 миллионнан астам доллар айыппұл салынды.

Meta Facebook, Instagram, WhatsApp тәрізді әлеуметтік медиа плафтормаларға иелік етеді. Бұған дейін Еуропа комиссиясы бұл технологиялық алыптардың цифрлық нарық актісіне бағыну мәселесін бір жыл бойы тергеген.

Болжамдарға қарағанда оларға салынған айыппұл салдарынан Еуропа одағы мен Құрама Штаттар арасындағы шиеленіс тіпті күшеюі мүмкін. Себебі бұған дейін президент Дональд Трамп америкалық компанияларды жазалаған елдердің тауарларына тарифті мейлінше көтеретінін ескерткені белгілі.

Арыстан Рысбек