Ассамблея мүшелері: ҚХА үлкен күшке айналды

Ассамблея 30 жылдың ішінде үлкен өзгеріске ұшырап, мықты күшке айналды. Әр жылдары елімізде түрлі диалог алаңдары мен қоғамдық органдар құрылды. Олардың барлығының мақсаты бір – ұлттық мүддені қорғап, қоғам бірлігін арттыру. Жиынға қатысқан ассамблея мүшелері түрлі ұлт өкілінің Қазақстанда тең дәрежеде өмір сүруге жасаған жағдайын жоғары бағалады.

Наталья Дементьева, Мәжіліс депутаты:

Мәжілісте 20 депутат, Сенаттағы 10 депутат – біз бірігіп парламентаралық топ құрастырдық. «Бір ел – бір мүдде» деп аталады. Біздің мақсатымыз, Қазақстанда тұратын барлық этнос өкілдерінің мүдделерін қорғап, көкейкесті мәселелерді шешіп алып отырмыз. Соңғы уақытта ассамблея тек консультативтік ұйым емес, оның конституциялық абыройы бар. Ол ассамблеяның жаңа бір деңгейге, дәрежеге көтірілуі дегенді білдіреді.

Атсалим Идигов, ҚХА кеңесінің мүшесі, қоғам қайраткері:

Мен ассамблея құрылған күннен бастап, мүшелігіне ендім. Үлкен жұмыстар атқардық. Ол кезде өзге елдерде мұндай тәжірибе болмады. Ұйымның болашағына күмәнмен қарағандар да көп болды. Дегенмен біз көп ұлтты мемлекетте мызғымас бірлікті сақтай білдік. Бүгін сол үлкен еңбектің нәтижесін көріп отырмыз.

Оңғар Алпысбайұлы, Нұрсұлтан Тілектес