Ресей соққысынан Киевте 9 адам қаза тауып, 63-і жараланған

Өткен түні Ресей армиясы Украина астанасы Киевке дрондармен, зымырандармен соққы берді. Соңғы мәліметке қарағанда, 9 адам қаза тауып, 63-і жараланған. Зардап шеккендердің ең кішкентайы 1 жарым жаста.

Жергілікті төтенше жағдай қызметінің мәлімдеуінше, көпқабатты үйдің блоктары құлап, тұрғындар үйінді астында қалып қойған. Қазір қаланың бес ауданында іздеу-құтқару операциялары жалғасып жатыр. Мұнда үйлермен бірге өзге де ғимараттар қираған. Ресей болса, Киевке жасалған шабуылдарға қатысты әзірге түсініктеме берген жоқ.

Арыстан Рысбек