Иерусалим маңында орман өртімен күрес жалғасып жатыр

Иерусалим маңында орман өрті қаулап, қалаға жақындады. Сондықтан көне шаһар шетіндегі үш елдімекеннің тұрғындары эвакуацияланып, жол жабылды. Қазір Израиль үкіметі халықаралық қауымдастықтан көмек сұрап отыр. Премьер-министр Биньямин Нетаньяху мәлімдегендей, лапылдаған жалынды ауыздықтау үшін Италия мен Хорватия арнайы ұшақ жібермек. Сонымен қатар, Израиль Грекия мен Кипрдан және Болгариядан да жәрдем сұраған. Жалпы алғанда, жасыл желекті жалмап жатқан отты сөндіруге ондаған бригада мен ондаған тікұшақ пен ұшақ жіберілді. Іздеу-құтқару операцияларына әскерилер де көмектесіп жатыр. Әзірге 13 адам жараланғаны белгілі. Құрбандар туралы мәлімет жоқ.

Арыстан Рысбек