2030 жылға дейін 475 кәсіпорын жекешелендіріледі

2030 жылға дейін мемлекеттің қатысуы бар 475 кәсіпкерлік субъекті жекешелендіріледі. Олардың жартысынан көбі 2025-2026 жылдарға арналған іс-шаралар жоспарына енгізілген. Олжас Бектеновтың төрағалығымен өткен Экономиканы демонополизациялау жөніндегі комиссия отырысында осындай жоспар бекітілді. Мемлекет тек әлеуметтік маңызы бар және стратегиялық секторларға араласады. Ұлттық экономика министрі Серік Жұманғарин Президенттің «Экономиканы ырықтандыру жөніндегі шаралар туралы» Жарлығын орындау төңірегінде шағын және орта бизнеске қолдаудың күшейіп келе жатқанын айтты. Олардың арасында бәсекелестіктің дамуын тежейтін кедергілер де жойылып жатыр. 

Оңғар Алпысбайұлы