Qazaq Air компаниясын вьетнамдар дамытпақ

Qazaq Air және вьетнамдық Vietjet компаниялары бірігіп, жаңа әуе компаниясын құрады. Бұл туралы Вьетнам басшысының Қазақстанға мемлекеттік сапары кезінде белгілі болды. Vietjet Qazaqstan деп аталатын жаңа ұйым 20-дан астам Boeing 737 ұшағын рейстерге қоспақ. Сондай-ақ инвесторлар елдегі бір әуежайды сатып алуы мүмкін.

Жалпы, Ақордада Қасым-Жомарт Тоқаев пен То Ламның кездесуі кезінде сауда, көлік логистика, туризм және басқа да салалардағы ынтымақты тереңдету тетіктері талқыланды. Қазір Қазақстан мен Вьетнам арасында визасыз режим орнаған. Ал әуе қатынастарының саны 40-тан асты. 

Оңғар Алпысбайұлы