Үндістанның Бангалора қаласын топан су басты

Үндістанда төпелеп жауған жаңбырдан Карнатака штатының Бангалора қаласын топан су басты. Тасқын салдарынан көшелер өзенге айналып, көлік қатынасы қиындап, жаяу жүргіншілер белуардан су кешкен. Кейбір тұрғындарды құтқаруға арнайы қайықтар жіберілді.

Әзірге құрбандар туралы мәлімет түскен жоқ. Жергілікті халықтың сөзінше, қаланы жауын кезінде үнемі тасқын жайлауына кәріз жүйесінің дұрыс жұмыс істемеуі себеп.

Арыстан Рысбек