Мысырда қаза тапқан әйелдің мәйіті Қазақстанға бүгін жеткізіледі

Мысыр әуежайында қаза тапқан әйелдің мәйіті бүгін Қазақстанға жеткізіледі. Сыртқы істер министрінің орынбасары Әлібек Қуантыров осылай деді. Тасымалдау Мысыр тарапының есебінен жүргізілмек. Жақындарына моральдық шығын төлеу сұрақтары да шешілді. Бірақ сомасы белгісіз. Қаза тапқан әйел ресми туроператор арқылы саяхаттап жүрген. Сондықтан қазақстандық сақтандыру компаниясы да өтемақы төлейді. Ал жарнама тақтасы құлаған кезде жарақат алған екі әйел елге оралған. Олардың жағдайы жақсы. Мысырдың азаматтық авиация министрі мен Қазақстандық консулдық жағдайды бақылауда ұстап отыр, деді Әлібек Қуантыров. 

Оңғар Алпысбайұлы