Шымкентте 1,5 млрд теңге бюджет қаржысы игерілмеген

Шымкент қаласының әкімдігі бюджеттен бөлінген 1,5 миллиард теңгені игермеген. Сондықтан 31 лауазым иесі жазаланды. Екеуі қызметтен қуылды. Қаржы игере алмағандардың тобын Полиция департаменті мен аудан әкімдігі аппараттары бастап тұр. Тәртіп сақшылары 545 миллион теңгені жарата алмай қазынаға қайтарып берсе, жергілікті билік құрылымдары 431 миллион теңгенің жұмысын үйлестіре алмаған. Сондай-ақ білім, энергетика және инфрақұрылымды дамыту, жұмыспен қамту басқармалары да қолдағы бар ақшаны іске жаратпаған. Оған мердігерлердің тауарларды мерзімінде жеткізіп бере алмауы, атқарылған жұмыс актілерін дер кезінде ұсынбау және сот процесстерінің аяқталмауы себеп болған көрінеді.

Ғани Қалмахан