Қазақстанның зейнетақы жүйесі әлемдегі үздік отыздыққа кірді

Қазақстанның зейнетақы жүйесі әлемдегі үздік 30 жүйенің қатарына енді. Бұл туралы Ranking.kz ақпараттық-аналитикалық порталы жазды. Талдауды ең ірі сақтандыру компаниялардың бірі Allianz жүргізді. Барлығы 71 елдің зейнетақы жүйесі зерттелген. Биыл Қазақстанға 3,5 деген баға беріліп, рейтингте 8 сатыға көтерілді. Яғни қазір 26-орында тұр. Көптеген дамыған және дамушы елдерді озды. Оның ішінде Қытай, Түркия, Испания, Қатар, Сауд Арабиясы, Біріккен Араб Әмірліктері сияқты экономикасы озық мемлекеттер бар. Рейтингтің басында Дания, Нидерланды, Швеция орналасқан. Ал соңғы орында Лаос, Малайзия және Шри-Ланка тұр. Айта кетейік, 1 сәуірдегі жағдай бойынша Қазақстанда 2 жарым миллион зейнеткер бар. 

Асылбек Данияр