АҚШ-та өндірілетін алюминий мен болат бағасы өсті

АҚШ-та өндірілетін алюминий мен болат бағасы өсті. Бұған президент Дональд Трамптың қос металға баж салығын 50 пайызға дейін арттыратынын жариялауы түрткі болған. Шешім ертең күшіне енеді. Трамп тарифті өсіру америкалық зауыттардың кірісін арттырып, инвестицияны ұлғайтады деп есептейді. Қазірдің өзінде АҚШ-та алюминий мен болат өндіретін компаниялардың акциялары күрт өскен. Дегенмен құрылыс компаниялары екі металға бағаның өсуі құрылыс материалдарының да қымбаттауына әкелуі мүмкін деп дабыл қақты.

 Арай Төлегенқызы