Атырауда сыбайлас жемқорлық тәуекелдері талқыланды

Атырауда сыбайлас жемқорлыққа қарсы іс-қимыл агенттігі қоғамдық кеңесінің көшпелі отырысы өтті. «Заң мен тәртіп» тұжырымдамасы аясында ұйымдастырылған шараға мемлекеттік және квазимемлекеттік сектор өкілдері қатысты. Кездесуде өңірдегі сыбайлас жемқорлық тәуекелдерінің картасы, «Бизнеске жол» жобасы, инфрақұрылым, денсаулық сақтау мен білім беру нысандарының жетіспеушілігі секілді өзекті мәселелер көтерілді. Агенттік басшысы сыбайлас жемқорлықтың алдын алу үшін қоғам, билік және бизнестің ашық әрі сындарлы диалог орнатуы қажет екенін атап өтті. Сонымен қатар, кәсіпкерлер жер қатынастары мен рұқсат құжаттарын берудегі кідірістерге қатысты шағымдарын жеткізді.

Ернұр Медет