БҚО-да жедел жәрдем жеңіл көлікпен соқтығысып, 4 адам жарақат алды

Оралда жедел жәрдем мен жеңіл көлік соқтығысып, 4 адам ауруханаға түсті. Оның біреуі - 13 жастағы қыз бала. Облыстық Полиция департаментінің дерегінше, жедел жәрдем жүргізушісі бағдаршамның жүруге тыйым салынған белгісіне жүріп кетіп, жеңіл көлікке соқтығысқан. Салдарынан көлікте жолаушы болған жасөспірім облыстық балалар ауруханасына жеткізілді.

Ал жедел жәрдем көлігіндегі 28 жастағы науқас әйел мен екі фельдшер қалалық және облыстық көпбейінді ауруханаға түсті. Қазір оқиғаның мән-жайы анықталып жатыр.

Ардақ Мұратқызы