Австрияда мектепте болған атыстан кейін үш күнге аза тұту жарияланды

Австрия тұрғындары мектепте болған атыстан қаза тапқандарды еске алу үшін 1 минут үнсіздік сақтады. Грац қаласында мыңдаған адам қайғылы оқиға болған мектептің жанына жиналған. Мұнда кеше 21 жастағы қарулы жігіт оқ атып, 10 адамды мерт қылды. Тағы бірнеше адамды жаралаған. Шабуыл жасаған австриялық азамат бұдан кейін өзіне қол жұмсады. Полицияның мәліметінше, ол жалғыз өзі әрекет еткен. Қазір оның үйі және ғаламторы тексеріліп жатыр. Осы арқылы полиция қылмыстың себебін анықтауға тырыспақ. Кейбір деректерге сай, оқ атқан жігіт кезінде мектепте буллингтен зардап шеккен. Сонымен бірге соңғы емтиханды тапсыра алмаған.  

Арай Төлегенқызы