А.Бублик екінші айналымға өтті

Қазақстанның бірінші, әлемнің 45-ракеткасы Александр Бублик Германияда өтіп жатқан ATP 500 турнирін сәтті бастады. Алғашқы айналымда әлемнің 40-ракеткасы, франциялық Александр Мюллермен кездесті. Бірінші сетте есеп 4:4 болған кезде Бублик брейк жасап, 6:4 етіп жеңді. Екінші сетте де қазақстандық спортшы дәл осындай есепті тіркеп, келесі айналымға жолдама алды. Енді отандасымыз ширек финалға шығу үшін әлемнің 1-ракеткасы, италиялық Янник Синнермен матч өткізуі мүмкін. Айта кетейік, Роллан Гаррос жарысында Бублик спорттық жолында алғаш рет ширек финалға дейін жетіп, дәл осы Синнерге жол берген еді. 

Асылбек Данияр