Дзюдодан Әлем чемпионаты: Жекелей сын аяқталды

Мажарстанда өтіп жатқан дзюдодан Әлем біріншілігінің жекелей сыны қазақстандық татами шеберлері үшін аяқталды. Бүгін ел намысын аса ауыр салмақта Ерасыл Қажыбаев қорғады. Отандасымыз алғашқы белдесуінде жеңіліп қалды. Қарсыласы Париж Олимпиадасының күміс жүлдегері, былтырғы Әлем чемпионы, кәріс балуаны Миджоң Ким болатын.

Айта кетейік, байрақты бәсекеге 93 келдің 550-дей атлеті қатысты. Қазақстан намысын 12 спортшы қорғады. Биылғы чемпионатта ел қоржынына бір күміс медаль түсті. Тарихи жүлдені еншілеген – 48 келіге дейінгі салмақта күрескен Абиба Абужақынова.

Асылбек Данияр