Астанада әуежайдың ұшу-қону жолағы уақытша жабылады

Астана әуежайының ұшу-қону жолағы уақытша жабылады. Жоспарлы жөндеу жұмыстары жүргізіледі. Осыған байланысты рейстердің кестесіне өзгерістер енгізілуі мүмкін. Сондықтан жолаушылар өзіне қажетті рейске қатысты ақпаратты авиакомпания өкілдерінен алдын ала нақтылаулары қажет. Әуежайдың баспасөз қызметінің мәліметінше, жөндеу жұмыстары қыркүйектің 1-4 аралығында және 8 қыркүйектен 31 қазанға дейін жалғасады. Осы күндері күн сайын Астана уақыты бойынша таңғы сағат 10:00-ден кешкі 18:00-ге дейін ұшу-қону жолағы ұшақтардың ұшып-қонуы үшін жабық болады.

Самал Қабышева