Абай облысында құтырмадан ер адам қайтыс болды

Абай облысында 70 жастағы ер адам құтырма дертінен қайтыс болды. Санитариялық-эпидемиологиялық бақылау департаментінің мәліметінше, қарияның жағдайы күрт нашарлап, емханаға қаралуға келген. Алайда зерттеу барысында оны 1 ай бұрын құтырған ит қапқаны анықталды. Вирус орталық жүйке жүйесін зақымдап үлгергендіктен, азаматты аман алып қалу мүмкін болмады, дейді дәрігерлер.

Бұл - жыл басталғалы құтырма дертінен қаза тапқан екінші адам. Бірнеше күн бұрын Қостанай облысында әйел адамды үйіндегі мысығы тістеп алған еді. Мамандар құтырманың адам өміріне өте қауіпті екенін еске салады. Дер кезінде медициналық көмекке жүгініп, екпе салынбаса, соңы қайғылы жағдаймен аяқталуы мүмкін деді.

Ернұр Медет