Сирия астанасындағы шіркеуде болған жарылыстан 20 адам қаза тапты

Сирия астанасы Дамаскінің Мар-Элис шіркеуінде жанкешті жарылыс жасады. Соңғы мәліметке қарағанда, 20 адам қаза тауып, 50-ден астамы жараланған. Мұны жергілікті Денсаулық сақтау министрлігі хабарлады. Ал Сирия қорғаныс министрлігінің дерегінше, шабуылды «Даиш» қарулы тобының мүшесі жасаған. Ол шіркеуге кіріп оқ атып, содан кейін бомбаны іске қосқан.

«Франс-пресс» агенттігінің мәліметінше, «Даиш» Сирияда Асад үкіметі былтыр желтоқсанда құлағаннан бері бірнеше рет теракт ұйымдастыруға әрекеттенген.

Арыстан Рысбек