Гаагада НАТО елдерінің саммиті өтеді

Нидерландтың Гаага қаласында НАТО елдері басшыларының саммиті басталды. Оған АҚШ президенті Дональд Трамп та қатысады. Форумда талқыланатын негізгі мәселелер – қорғаныс бюджетін арттыру және Украинадағы соғыс.

Болжамдарға қарағанда, Солтүстік атлантикалық Альянс мемлекеттерінің басшылары өз елдерінің жалпы ішкі өнімінің 5 пайызын әскерді күшейтуге жұмсауға уағдаласуы мүмкін. Сонымен қатар НАТО лидерлерінің сөзінше, Ресей Украинаны басып алса, Мәскеу күштері Еуропаның өзге елдеріне де шабуыл жасай ма деген қауіп бар. Дегенмен, маусымның 21-де Кремль басшысы мәлімдегендей, Ресей НАТО-мен соғысуға әзірленіп жатқан жоқ.

Арыстан Рысбек