Қытайдың оңтүстік-батысындағы провинцияларды топан су басты

Қытайдың оңтүстік-батысында алапат тасқын. Әсіресе Гуйчжоу және Гуаньси провинцияларындағы жағдай қиын. Бұл аймақта өзендер арнасынан тасып, көшелерді су басып, мыңдаған адам эвакуацияланды. Жергілікті билік тұрғындарға биік жерлерге көтерілуге кеңес берген. Апатқа өткен аптада басталған муссон жаңбырлары себеп болды. Қытайдың оңтүстігіндегі провинцияларда зардап шегіп, егістік алқаптарын су шайып кеткен. Қытай мемлекеттік метеоқызметі ескерткендей, алдағы күндері жаңбыр тағы да құятындықтан, жергілікті халық мейлінше сақ болуы керек.

Арыстан Рысбек