Хаменеи: АҚШ Иранда ештеңеге қол жеткізе алмады

АҚШ Израильдің соғысына қосылып, Иранда «ештеңеге қол жеткізе алмады». Мұны Ислам Республикасының жоғарғы лидері Аятолла Әли Хаменей, бүгін әлеуметтік желідегі парақшасында жазды. Тағы бір сөзінде рухани жетекші Иран Американың Қатардағы әуе базасына зиян келтіргенін айтып, халқын жеңіспен құттықтады. АҚШ Иранның ядролық нысандарын маусымның 22-де бомбалады. Трамп әкімшілігіне сенсек, сол соққылардан Тегеранның атомдық бағдарламасы әлсіреген. Алайда, америкалық барлаушылардың алдын-ала дерегінше, Құрама Штаттардың шабуылынан Иранның ядролық нысандары жойылмай, бірнеше айға ғана шегерілген.

Арыстан Рысбек