Универсиадада Қазақстан намысын 73 спортшы қорғайды

Шілденің 16-27 аралығында Германияның Рейн-Рур қаласында отыз екінші Бүкіләлемдік жазғы Универсиада ойындары өтеді. Байрақты бәсекеде Қазақстан атынан 73 студент спорттың 12 түрінен ел намысын қорғайды. Бұл туралы Оқу-ағарту министрлігі, Ұлттық ғылыми-практикалық дене тәрбиесі орталығының өкілдері хабарлады. Универсиадаға дайындық және қатысу шығындарын Ғылым және жоғары білім министрлігі қамтамасыз етеді. Сондай-ақ әлемдік дода жеңімпаздары мен жүлдегерлеріне сыйақы беріліп, жоғары оқу орындарында тегін оқу мүмкіндігіне ие болады.

Еске сала кетейік, атлеттеріміз Қытайда өткен Универсиадада 2 алтын, 7 күміс пен 11 қола жеңіп алған еді.

Асылбек Данияр