АҚШ Украинаға қару беруді ішінара тоқтатты

Пентагон Украинаға кейбір зымырандар мен өзге де дәлдігі жоғары снаряд жөнелтуді тоқтатты. Мұны АҚШ-тың қорғаныс министрлігі хабарлады. Аталған ракеталар Ресейдің дрондары мен басқа да шабуыл құралдарын құлатуда маңызды рөл ойнаған. Американың Киевке қауіпсіздік жәрдемін шектеуіне өз қорындағы арсеналдың азаюы себеп болып отыр. АҚШ Украинаға қару жөнелтуді ақпан-наурыз айларында аз уақытқа тоқтатты. Содан кейін президент Дональд Трамп бұрынғы әкімшілік кезінде Украинаға уәде етілген қарудың соңғы партиясын жөнелту туралы шешім қабылдады. Сонан соң Трамп Украинаға әскери көмек беру-бермеу мәселесі бойынша нақты шешім қабылдамаған. 

Арыстан Рысбек