Жапон комикстеріндегі апат туралы қауесеттер туризмге кері әсер етуде

Жапон комикстерінде елге төнген қатерлі қауіп туралы қауесеттер, өркендеп келе жатқан туризмге орасан нұқсан келтіріп жатыр. Аталған графикалық романдарда немесе мангаларда Күн Шығыс елі мен көршілес мемлекеттерде 2025 жылы шілде айында алапат жер сілкінісі болып, цунами көтерілетіні жайлы болжам айтылған. Бұны әлеуметтік желіден білген шетелдіктер Жапонияға баруды күрт азайтты. Жолаушы азайғандықтан, кейбір әуе компаниялары Токио мен өзге қалаларға рейстерді доғарған. Айта кетсек, биыл сәуірде Жапонияға 4 миллионға жуық саяхатшы сапар шеккен. Ал жылдық есеппен алғанда бұл көрсеткіш мамыр айында 11 пайызға төмендеп кетіпті.

Арыстан Рысбек