Қытайдың Юньнан және Ганьсу провинциясында лай көшіп, жол жабылды

Қытайдың Юньнан және Ганьсу провинцияларында төпелеп жауған жаңбырдан су тасып, лай көшіп жатыр. Соның салдарынан 11 жол жабылып қалды. «CCTV» телеарнасының хабарлауынша, қазір табиғи апаттан құтқару операциялары жалғасып жатыр.

Су деңгейі тез көтеріліп, кейбір елді мекендердің тұрғындары тасқынның ортасында қалған. Қаза тапқандар туралы мәлімет түскен жоқ.

Өткен тәулікте Қытайдың солтүстігі мен батысы да су апатына әзірлікке кірісіп, мыңдаған адамды құтқару жұмыстарына жұмылдырылды.

Арыстан Рысбек