Қазақ күресінен балалар арасында тұңғыш республикалық чемпионат өтіп жатыр

Астанада қазақ күресінен балалар арасындағы тұңғыш республикалық чемпионат өтіп жатыр. Жарысқа еліміздің барлық өңірінен 300-ге жуық жас балуан келген. Олар екі күн бойы боз кілемде белдесіп, 12 салмақ дәрежесі бойынша мықтыны анықтайды. Биыл бірінші рет қазақ күресінен жас өрендер арасында осындай ауқымды жарыс өткізіліп жатыр. Басты мақсат – ұлттық спортты кеңінен насихаттап, болашақ чемпиондарды ерте жастан тәрбиелеу,- дейді ұйымдастырушылар.

Дамир Бекбосынов, Qazaq kuresi қауымдастығының бас директоры:

Қазақ күресі елімізде де, халықаралық деңгейде де дамып келе жатыр деп есептейміз. Министірліктің берілген статистикасына сәйкес тұрақты түрде қатысушылардың саны 160 мың спортшыға жетті. Ол деген жақсы көрсеткіш. Жалпы спорт түрлерінің ішінде еліміз бойынша 10-орында тұр.

Ернұр Медет