Трамп Канада тауарларына тарифті 35 пайызға дейін көтермек

АҚШ президенті Дональд Трамп 1 тамыздан бастап Канададан импортталатын тауарларға тарифті 35 пайызға дейін көтеретінін жариялады. Себебі, Ақ үй лидерінің сөзінше, Канада Америкаға фентанил есірткісін жөнелтуді доғармай отыр. Қарсы жақ болса, АҚШ аумағына фентанилдің болмашы бөлігі ғана өтіп жатқанын айтып, екі ел шекарасында бақылауды күшейткенін мәлімдеді. Тағы бір сөзінде Трамп Канада кек алатын болса, оның өнімдеріне кедендік тарифті тағы өсіретінін ескертті. Әрі өткен тәуліктегі мәлімдемесінде ол АҚШ-тың басқа да сауда серіктестерінің тауарларына баж салығын 15-20 пайызға көтеру жоспарын жариялады.

Арыстан Рысбек