Трамп Украинаға қару жеткізу туралы жаңа жоспарын жариялайды

Бүгін АҚШ президенті Дональд Трамп Украинаға қару жеткізу жөніндегі жаңа жоспарын жариялайды. Бұл әскери көмекке зениткалық кешендермен бірге шабуылдаушы арсенал да кіреді. Мұны америкалық басылымдар хабарлап отыр. Сонымен қатар Трамп Киевке «Пэтриот» ракеталық жүйелерін де жөнелтпек. Мұндай қару Украина аспанын Ресейдің шабуылдарынан қорғау үшін қажет. Бірақ «Пэтриоттың» құнын Вашингтонға еуропалық елдер төлеуге тиіс. Бұған қоса, Америка лидері ресейлік әріптесі Владимир Путинді «майда» сөйлеп, кешке бәрін бомбалауға кіріседі деп айыптап, Кремль басшысының Украинадағы әрекеттерін ұнатпай жүргенін ескертті.

Арыстан Рысбек