Сирияда дінаралық қақтығыстан кемінде 30 адам қаза тапты

Сирияның оңтүстігінде сүннит бәдәуи содырлары мен друз қарулы жасақтары қақтығысып, ондаған адам қаза тапты. Мұны жергілікті ақпарат құралдары хабарлап отыр. Жанжал друздар көп шоғырланған Сувейда қаласында жексенбі күні басталған. Бұл атысқа друз саудагердің ел астанасы Дамаскіге барар жолда ұрлануы себепші. Сирия ішкі істер министрлігінің дерегінше, 30 адам мерт болды. Дінаралық қақтығысқа байланысты Сувейдаға қауіпсіздік күштері енгізілген. Associated Press агенттігінің хабарлауынша, қалаға әскер кіргеннен кейін жауласушы тараптар шайқасты тоқтатып, ымыра жариялады.

Арыстан Рысбек