Оңтүстік Кореяда тасқыннан 2 адам қаза тапты

Оңтүстік Кореяда нөсер жауын соңы алапат тасқынға ұласты. Соңғы мәліметке қарағанда, екі адам қаза тауып, мыңнан астам тұрғын қауіпсіз жерге көшірілген. Бұған қоса, жолдар мен автокөліктерді су басты. Әсіресе, Оңтүстік Чхучхун провинциясындағы жағдай қиын. Қазір мұнда құтқару операциялары жалғасып жатыр. Апатқа байланысты 400-дей мектеп уақытша жабылды. Тасқын тіпті күшеюі мүмкін. Себебі елдің Метеорология әкімшілігі бүгін жаңбыр тағы да жаууы мүмкін екенін хабарлап отыр.

Арыстан Рысбек