Екібастұз қаласында гидравликалық сынақ кезінде құбыр жарылды

Екібастұз қаласында гидравликалық сынақ кезінде диаметрі 530 милиметрлік жылу құбыры жарылып, асфальтты қопарып тастады.

Алдын-ала мәліметке қарағанда, автотұрақта тұрған 8 көлікке зақым келген. Оқиға «Уақ» базары аумағында болған. Зардап шеккендер жоқ, тұрғын үйлер мен ғимараттар бүлінбеген. Қазір апаттық бригада жарылыс орнында жұмыс істеп жатыр. Полиция тексеруді бастады. Мүлкіне зақым келген тұрғындардың шығыны өтеледі деді жауаптылар.

Болат Аманбай