Алматыда жоғалған тікұшақты іздестіру жалғасып жатыр

Алматы облысы аумағында осыдан 3 күн бұрын жоғалып кеткен тікұшақты іздестіру жұмыстары жалғасып жатыр. Жақындарының амандығына алаңдаған туыстары Төтенше жағдай және Қорғаныс министрлерінен көмек сұрап, іздеу шараларын жеке бақылауларына алуды өтінді. Құзырлы органдар Сорбұлақ су қоймасы маңында іздестіру жұмыстары күні-түні күшейтілген режимде жүріп жатқанын айтады. Ауқымды операцияға 400-ге жуық адам, 70-тен астам техника, 21 жүзу құралы, 10 ұшқышсыз ұшу аппараты тартылған. Тек судың терең әрі лай болуы құтқару қызметіне кедергі келтіріп тұрған қөрінеді. Еске салсақ, 25 шілде күні әскери мақсаттағы EC-145 тікұшағы кенеттен ғайып болған. Содан бері борттағы үш экипаж мүшесінен еш хабар жоқ.

Ернұр Медет