Қарағандыда бос тұрған ғимарат құлады

Қарағандыда бос тұрған ғимараттың қабырғасы мен аралық жабындылары құлады. Бұрын банкке тиесілі болған нысан Қазыбек би ауданында орналасқан. Алдын ала болжам бойынша, ғимараттың 150 шаршы метрі қирады. Төтенше жағдай орын алған кезде ішінде 15 жұмысшы болған. Абырой болғанда, құтқарушылар оларды шығарып үлгерді. Қаза тапқандар мен зардап шеккендер жоқ. Оқиға орны қоршауға алынып, құрылымдардың техникалық жағдайы тексеріліп жатыр. Құлаудың нақты себебі анықталуда.

Динара Жарқынбек