Тоғызқұмалақтан республикалық турнир өтіп жатыр

Қарауыл ауылында тоғызқұмалақтан республикалық турнир өтіп жатыр. Интелектуалдар бәйгесіне еліміздің 14 облысы 3 қаласынан ең үздік ойыншылар келген. Бұл ой сайысы бұрынғыдан өзгерек. Зияткерлікті шыңдайтын тарихи ойынның бас жүлдесіне алғаш рет автокөлік тігіліп отыр. Деректерге сүйенсек, Хәкімнің өзі тоғызқұмалақ спортын жақсы көрген. Жадыны жақсартып, шешім қабылдауға септігін тигізеді деп жиі ойнаған көрінеді. Сондықтан жауаптылар ағартушы ардақтаған спорт түрін ауқымды деңгейде ұйымдастырды.

Назым Күзенбай, республикалық дәрежедегі төреші:

Мұхтар Әуезовтің Абай жолы романында Абайдың өзі жақсы көрген, арнайы сайыстар ұйымдастырып, жүлде тіккені айтылады. Тоғызқұмалақ ойынының түбі Шығыстан бастау алған деп есептеледі. Себебі Абай ауданынан, Қарауылдан 55 шақырым жерде тастан жасалған тоғызқұмалақ тақталары өте көп кездеседі.

Ернұр Медет