Оңтүстік Кореяда экс-президенттің әйелі алаяқтық үшін тұтқындалды

Сеул соты Оңтүстік Кореяның экс-президенті Юн Сок Ёлдің әйелі Ким Кон Хиді де тұтқындады. Ел тарихында алғаш рет бұрынғы мемлекет басшысы мен оның зайыбы бір уақытта қамауға алынып отыр.

52 жастағы Ким акция саудасында алаяқтық жолмен 580 мың доллар пайда тапты, пара ретінде: «Шанель» фирмасының екі сөмкесі мен әшекей бұйымдар алды және 2022 жылы НАТО-ның саммитіне 43 мың доллардың алқасын тағып барды», -  деп айыпталып отыр. Естеріңізге сала кетсек, Кимнің жұбайы Юн былтыр желтоқсанда елде әскери жағдай енгізуге әрекеттеніп, сәуірде ресми түрде президенттіктен аластатылды. Ал шілде айында ол билікті асыра пайдаланды деп түрмеге жабылған еді.

Арыстан Рысбек